ភ្នំពេញ៖ កូនប្រុសច្បងរបស់សម្ដេចតេជោ នាយករដ្ឋមន្រ្តី លោក ហ៊ុន ម៉ាណែត បានឱ្យដឹងថាបណ្ដាំបីប្រការដែលរូបលោកនិងបងប្អូនគ្រប់គ្នាតែងចងចាំពីឪពុកនោះគឺ ការគិតប្រយោជន៍ជាតិជាធំដោយឈរខាងប្រជាជនគ្រប់វេលានិងទំនួលខុសត្រូវលើសកម្មភាពខ្លួន។
បង្ហោះនៅបណ្ដាញសង្គមហ្វេសប៊ុក នៅព្រឹកថ្ងៃសុក្រ ទី១៦ ខែកញ្ញា ឆ្នាំ២០២២ នេះ លោក ហ៊ុន ម៉ាណែត បានបង្ហោះរូបភាពមួយសន្លឹកដែលមានលាយល័ក្ខអក្សរផងនោះ ដោយមានចំណងជើងថា «បណ្ដាំរបស់លោកឪពុកបីចំណុច ដែលកូនៗត្រូវចងចាំជានិច្ច»។
លោក ហ៊ុន ម៉ាណែត ថា៖ « បណ្ដាំពុកបីចំណុច ទី១ ត្រូវគិតគូរដល់ប្រជាជនជាធំដោយឈរខាងប្រជាជនគ្រប់ពេលវេលា ទី២ គិតពីប្រយោជន៍ជាតិជាធំគ្រប់ពេលវេលា និងទី៣ ហ៊ានធ្វើហើយធ្វើឱ្យពិតប្រាកដនិងច្បាស់លាស់ ហើយហ៊ានទទួលខុសត្រូវចំពោះការសម្រេចចិត្ត និងសកម្មភាពរបស់ខ្លួន»៕
ព័ត៌មានជាច្រើនទៀតសម្រាប់អ្នក
